Cynlluniwyd y wefan hon er mwyn helpu ymarferwyr lleol, llunwyr polisïau, rheolwyr a strategyddion i ddatblygu eu dealltwriaeth o hawliau plant a sut i sicrhau eu bod yn ystyried hawliau plant yn eu gwaith.
Cynhyrchir Hawliau Plant Cymru gan Achub y Plant ac mae’n cael ei ariannu’n rhannol gan Lywodraeth Cynulliad Cymru. Mae llawer o’n partneriaid – yn enwedig Grwp Monitro CCUHP Cymru - yn ymwneud â’r gwaith parhaus o ddatblygu’r adnodd hwn ar y we.
Lluniwyd y wefan gyda’r bwriad o wneud y gwaith o lywio drwy’r deunydd mor syml ag sy’n bosib.
Sut mae defnyddio'r wefan hon
- Ynglyn a hawliau plant
Mae’r adran hon yn cynnwys gwybodaeth am hawliau plant, hawliau dynol a hawliau plant mewn perthynas â deddfwriaeth y Deyrnas Unedig.
- Hawliau plant yng Nghymru
Cyflwynir darlun yma o’r hyn sy’n digwydd yng nghyswllt gweithredu Confensiwn y Cenhedloedd Unedig ar Hawliau Plant yng Nghymru.
- Newyddion a digwyddiadau
Cyflwynir gwybodaeth reolaidd i’r defnyddiwr am y newyddion a’r digwyddiadau diweddaraf sy’n gysylltiedig â hawliau plant yng Nghymru a thu hwnt.
- Addysg a hyfforddiant
Darperir gwybodaeth reolaidd i weithwyr proffesiynol, rhieni/gofalwyr a phlant a phobl ifanc am y datblygiadau diweddaraf sy’n gysylltiedig â hawliau plant ym maes addysg a hyfforddiant.
- Llyfrgell
Cronfa ddata sy’n cael ei datblygu o hyd, ac sy’n rhestru adnoddau hawliau plant sydd wedi’u creu yng Nghymru, yn y Deyrnas Unedig ac mewn rhannau eraill o’r byd.
- Grwp Monitro CCUHP Cymru
Darperir gwybodaeth am y gynghrair genedlaethol o gyrff anllywodraethol a’u gwaith parhaus o fonitro’r modd y mae’r Llywodraeth yn gweithredu’r CCUHP.
- Gwasanaethau cyhoeddus
Rhan o’r wefan sydd wedi’i chynllunio er mwyn helpu gwasanaethau cyhoeddus ym mhob cwr o Gymru i roi lle amlwg i hawliau plant wrth ddarparu eu gwasanaethau.
- Dysgu o brofiad
Cronfa ddata sy’n cael ei datblygu o hyd, ac sy’n cynnwys enghreifftiau o sut mae cyrff eraill yn ymateb i’r her o roi hawliau plant ar waith yng Nghymru, yn y Deyrnas Unedig ac yn rhyngwladol.