Sylwadau Terfynol
Anfonir y Sylwadau Terfynol at y Wladwriaeth sy’n barti i’r Confensiwn gan Bwyllgor y Cenhedloedd Unedig ar Hawliau’r Plentyn ar ôl i’r Pwyllgor dderbyn pob adroddiad, clywed gan y cyrff anllywodraethol, y sefydliadau hawliau dynol annibynnol a phlant a phobl ifanc a chroesholi Llywodraeth y Deyrnas Unedig. Rhwymedigaethau cyfreithiol sy’n argymell sut y gall y Wladwriaeth sicrhau cydymffurfiad â’r CCUHP yw’r sylwadau terfynol. Maent yn nodi:
- Meysydd pryder a nodwyd gan Bwyllgor y Cenhedloedd Unedig
- Ffactorau ac anawsterau sy’n rhwystro’r CCUHP rhag cael ei weithredu
- Argymhellion ar gyfer camau i’w cymryd yn y dyfodol.
Dylai’r sylwadau hyn wedyn fod yn fan cychwyn ar gyfer yr adroddiad nesaf.
Dylent gael eu gweld fel ffordd unigryw o ysgogi trafodaeth ar lefel genedlaethol:
- Drwy bennu blaenoriaethau a pharatoi partneriaid ar lefelau cenedlaethol a lleol
- Drwy roi pwysau ar isadrannau’r llywodraeth a gweithredu argymhellion y Pwyllgor
- Drwy bwyso am newidiadau yn y ddeddfwriaeth ac mewn arferion
Mae’n ddyletswydd ar Wladwriaethau i sicrhau bod yr adroddiadau a’r Sylwadau Terfynol ar gael i gynifer ag sy’n bosib o bobl yn eu gwledydd eu hunain (erthygl 44.6).
Dolenni Cyswllt Defnyddiol
Sylwadau Terfynol 2002
Sylwadau Terfynol 2008
Fersiwn o Sylwadau Terfynol 2008 ar gyfer pobl ifanc