Dadansoddiad o sefyllfa hawliau plant

Cynnal dadansoddiad da o’r sefyllfa yw'r ffordd orau o sicrhau eich bod yn cyflawni'r amcanion angenrheidiol er mwyn gwireddu hawliau plant. Mae'n ymwneud â chasglu’r wybodaeth briodol i allu gwneud asesiad synhwyrol o’r hyn y mae angen ei wneud er mwyn gwella bywydau plant. Dyma’r cam cyntaf hanfodol tuag at sefydlu blaenoriaethau a gwneud dewisiadau priodol. Mae dadansoddiad o sefyllfa’n gosod y sail ar gyfer asesu cynnydd a gwerthuso effaith hirdymor ymyriad.

Nid proses unwaith ac am byth yw deall sefyllfa plant a phobl ifanc yn eich ardal. Dylid ei hadeiladu dros gyfnod. Mae'n ymwneud â mapio faint o hawliau sy’n cael eu treisio. Mae hefyd yn cynnwys dadansoddiad o'r ffactorau sylfaenol sy’n achosi i hawliau plant gael eu treisio. Dylid dadansoddi’r ddeddfwriaeth a’i gweithrediad ynghyd ag agweddau diwylliannol. Dylid ymgynghori â phlant a phobl ifanc drwy gydol y broses a rhoi ystyriaeth briodol i'w barn. Dylid nodi pwy yw'r deiliaid dyletswydd a’r prif weithredwyr.

Dylai'r dadansoddiad gynnwys:

1. Archwiliad i weld pa hawliau sy’n cael eu treisio yn yr ardal ddaearyddol dan sylw

• Pa hawliau sy’n cael eu treisio neu sydd ddim yn cael eu gwireddu?
• Ar ba grwpiau o blant y mae’r broblem yn effeithio fwyaf?
• Beth yw’r ffactorau (uniongyrchol, gwaelodol, sylfaenol) sy’n achosi i’r hawliau gael eu treisio?

1. Astudio polisïau’r Llywodraeth: Enghreifftiau: Strategaethau datblygu economaidd Strategaethau datblygu cymdeithasol 2. Dadansoddi cyfreithiau, eu gorfodaeth a’u cymhwysiad: Enghreifftiau: Tlodi plant Cam-drin plant a thrais Cyfiawnder plant Dinasyddiaeth 3. Dadansoddi polisïau sector a rhaglenni: Enghreifftiau: Lles cymdeithasol Iechyd Addysg Tai Lliniaru tlodi 4. Edrych ar ddyrannu adnoddau a chyllidebau a chymharu’r rhain â chytundebau ac ymrwymiadau cenedlaethol/rhyngwladol 5. Astudio ymddygiad, credoau, arferion ac agweddau ("diwylliant") 6. Deall barn a phrofiadau plant 7. Dadgyfuno’r holl ddata yn ôl: oed, rhyw, tarddiad daearyddol, ethnigrwydd, ac atietc

2. Dadansoddiad o gyfrifoldeb

• Pwy yw’r prif ddeiliaid dyletswydd? Beth yw eu cyfrifoldebau?
• Beth yw’r cyfleoedd a’r ffactorau sy’n cynorthwyo deiliaid dyletswydd i gyflawni eu cyfrifoldebau?
• Beth yw’r rhwystrau sy’n atal deiliaid dyletswydd rhag cyflawni eu dyletswyddau?
• Sut y gellir goresgyn y rhwystrau?

Dadansoddi rhwymedigaethau deiliaid dyletswydd, mecanweithiau sefydliadol a chyfrifoldebau: Enghreifftiau: Gofalwyr Teuluoedd Darparwyr gwasanaeth Adrannau’r Llywodraeth Llunwyr deddfau Sector preifat Cyrff anllywodraethol a sefydliadau cymunedol Y cyfryngau

3. Penderfynu pa gamau rydych am roi blaenoriaeth iddynt a chyda phwy rydych am weithio

• Beth yw’r blaenoriaethau gweithredu ar gyfer eich sefydliad?
• Beth yw amcanion y camau gweithredu hyn?
• Gyda pha sefydliadau ac adrannau y gallwch weithio? Pwy yw eich cynghreiriaid?

Bydd y flaenoriaeth a roddir i ymyriadau’n dibynnu ar y canlynol: Pa mor ddifrifol yw’r mater a pha mor aml y treisir yr hawliau Cefnogaeth wleidyddol Polisi’r sefydliad yn ogystal â gallu, profiad, logisteg, cyllid sydd ar gael Effeithiolrwydd a buddion rhesymol ar gyfer arian a fuddsoddir Gellid dadansoddi Cryfderau a Gwendidau’r sefydliad yn ogystal â Chyfleoedd a Chyfyngiadau’r amgylchedd allanol.

t:   |   f:   |   e:

Cysylltu â ni  |   Telerau ac amodau  |   Cwcis a Phreifatrwydd